İran parlamentinin sədri Məhəmməd Baqer Qalibaf ABŞ-nin Sirik şəhərindəki toy mərasiminə endirdiyi aviazərbəyə sərt reaksiya verib və bu ölkəni “Böyük Şeytan” adlandırıb.
Modern.az xəbər verir ki, Qalibaf ABŞ-nin ötən gecə qeyri-hərbi obyektlərə, xüsusilə toy mərasiminə hücumu zamanı çox sayda İran vətəndaşının həlak olmasını xatırladıb.
Parlament sədrinin sözlərinə görə, ABŞ-nin toy mərasiminə endirdiyi zərbə ağır nəticələrə səbəb olub.
Qalibaf “X” sosial şəbəkəsində ingilis dilində paylaşdığı açıqlamada ABŞ-nin həyata keçirdiyi hücumları belə təsvir edib:
“Minab məktəbi: uşaqlar qətlə yetirildi.
Lamerd idman zalı: uşaqlar qətlə yetirildi.
Köhestək toyu: uşaqlar ailələri ilə birlikdə öldürüldü.
Əgər bir güc Şeytan kimi davranırsa, Şeytan kimi hədəf seçirsə və Şeytan kimi öldürürsə, deməli, həmin güc Şeytandır”.
