Gürcüstanın Kvemo-Kartli (Borçalı) bölgəsinin Dmanisi rayonunda zəlzələ baş verib.
Modern.az xəbər verir ki, yeraltı təkanlar bu gün, sentyabrın 3-də saat 03:28-də qeydə alınıb.
Maqnitudası 3,2 olan zəlzələnin episentri Dmanisidən 19 kilometr şimal-qərbdə yerləşib. Ocaq 10 kilometr dərinlikdə olub.
Zəlzələnin episentrində təkanların gücü 4 bal təşkil edib.
Yeraltı təkanlar qonşu Ermənistanın Şirak və Lori vilayətlərində də hiss olunub. Burada zəlzələnin gücü 2-3 bal arasında qiymətləndirilib.
