Azərbaycanda ən çox yoluxmalar 30-59 yaş qrupları arasındadır.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində Tibbi Ərazi Bölmələrinin İdarəetmə Birliyinin (TƏBİB) xəstəliklərin profilaktikası və kontrolu departamentinin müdiri Yaqut Qarayeva deyib.
Y. Qarayeva bildirib ki, ən çox yoluxma yenə də Bakıdadır:
"Bakıda isə Binəqədi və Yasamal rayonlarındadır. Xüsusi narahatlıq doğuran bölgəmiz yoxdur. Hazırda ölkədə epidemioloji vəziyyət nəzarət altındadır. Ona görə də karantin rejiminin sərtləşməsinə ehtiyac yoxdur".