“Aşıq Şəmşir” Mədəniyyət Ocağı İctimai Birliyi öz fəaliyyət istiqamətinə uyğun olaraq davamlı şəkildə müxtəlif layihələr həyata keçirir. Bu tədbirlər əsasən gənc nəslin milli-vətənpərvərlik ruhda tərbiyyə olunması və onların öz tariximizə, mədəniyyətimizə daha dərindən bələd olması məqsədi daşıyır.
Növbəti belə bir tədbir ölkəmizdə təntənəli şəkildə qeyd edilən 9 Noyabr - Dövlət Bayrağı Gününə həsr edilib. “Aşıq Şəmşir” Mədəniyyət Ocağı İctimai Birliyi bu əlamətdar gün münasibəti ilə Kəlbəcər rayon məktəbliləri ilə birgə “Mənim Bayrağım – Mənim Şərəfim” adlı tədbir keçirib. Tədbirdə rayon ağsaqqalları, mədəniyyət xadimləri, şağird və tələbələr iştirak edib. Məktəblilər bayraq haqqında şeirlər söyləyib, qonaqlar bayrağın müqəddəsliyi və dəyəri haqqında fikirlərini məktəblilərlə bölüşüblər.
