Ankaradakı Qızılay meydanında Xocalı soyqırımını anın mərasimində dava düşüb. Modern.az “Anadolu” agentliyinə istinadən bildirir ki, hadisə Xocalı soyqırımının tanınması üçün imza toplanılması zamanı baş verib. Gökbörü Türkçülər Dərnəyinin təşkil etdiyi tədbirinə bir qrup şəxs hücum edib. Onlar meydanda qurulan stendə hücum edib, Xocalıya aid şəkilləri dağıdıblar, Nəticəsə tədbir iştirakçıları ilə naməlum şəxslər arasında əlbəyaxa dava-dalaş baş verib. Hadisə nəticəsində 7 nəfərin yaralandığı bildirilir.
