Իսլանդիայում անցկացված հանրաքվեում ընտրողների մեծամասնությունը դեմ է քվեարկել Եվրոպական միությանը (ԵՄ) երկրի անդամակցության շուրջ բանակցությունների վերսկսմանը։
Modern.az-ը հայտնում է, որ ձայների հաշվարկի համաձայն՝ ընտրողների 52,8 տոկոսը դեմ է արտահայտվել բանակցությունների վերսկսմանը, իսկ 47,2 տոկոսը՝ կողմ։ Հանրաքվեին ընտրողների մասնակցությունը կազմել է 82,5 տոկոս։
ԵՄ-ին ինտեգրման հակառակորդները հայտարարել են, որ անդամակցությունը կարող է սահմանափակել Իսլանդիայի ինքնիշխանությունը, ինչպես նաև բացասաբար ազդել երկրի ձկնորսության և գյուղատնտեսության ոլորտների վրա։
Բանակցությունների վերսկսման կողմնակիցները կարծում էին, որ ԵՄ-ի հետ ավելի սերտ ինտեգրումը կհանգեցնի տնտեսական առավելությունների, ներառյալ գնաճի և տոկոսադրույքների նվազմանը։
Նշենք, որ Իսլանդիան ԵՄ-ին անդամակցելու իր առաջին դիմումը ներկայացրել է 2009 թվականին։ Սակայն անդամակցության բանակցությունները դադարեցվել են 2013 թվականին։
