“Rusiya ilə hərbi-texniki əməkdaşlığa dair yeni sazişlər üzrə danışıqlar aparırıq. Bu istiqamətdə heç bir məhdudiyyət görmürük”. Modern.az APA-ya istinadən xəbər verir ki, bunu “RİA Novosti”yə müsahibəsində Azərbaycan prezidenti İlham Əliyev bildirib.
«Bu, daim diqqət mərkəzimizdə olan prosesdir. Hazırda danışıqlar davam edir. Siz daha yaxşı bilirsiniz ki, Rusiyanın hərbi sənayesi inkişaf edir, yeni müasir silahlar yaranır”,- prezident vurğulayıb.
Dövlət başçısı bu istiqamətdə Rusiya ilə əməkdaşlığı məhsuldar adlandırıb.
Prezident, həmçinin, qeyd edib ki, Azərbaycanın Rusiya ilə imzaladığı sazişlərin əksəriyyəti icra olunub. Artıq silahların alındığını deyən İ. Əliyev əməkdaşlıq üzrə gələcək planlar üzərində işin davam etdiriləcəyini bildirib.
“Azərbaycanda və Rusiyada heç bir məhdudiyyət yoxdur”, - deyə İlham Əliyev vurğulayıb.
