Rusiyada keçirilən futbol üzrə dünya çempionatında III tura start verilib. Modern.az xəbər verir ki, gün ərzində oynanılması nəzərdə tutulan 4 görüşdən artıq ikisi yekunlaşıb. “A” qrupunun paralel oynanılan görüşlərində 6 xalla səkkizdəbir finala vəsiqəni təmin edən ev sahibi Rusiya yığması Uruqvay millisi ilə qarşılaşıb. Uruqvay yığması rəqibini 3:0 hesabı ilə məğlub edib. Hesabı 10-cu dəqiqədə Luis Suares açıb. 23-cü dəqiqədə Denis Çerışev avtoqola imza atıb.
Qarşılaşmanın 36-cı dəqiqəsində qırmızı vərəqə alan İqor Smolnikov Rusiya yığmasını azlıqda qoyub.
Oyunda son nöqtəni 90-cı dəqiqədə Edinson Kavani qoyub.
Beləliklə, üç oyunun hamısında qələbə qazanan Uruqvay qrup birincisi kimi 1/8 finala vəsiqə qazanıb.
Digər görüşdə isə Səudiyyə Ərəbistanı və Misir yığmaları üz-üzə gəlib. Qarşılaşma Səudiyyə Ərəbistanının 2:1 hesablı qələbəsi ilə başa çatıb. Oyunda ilk qolu Misir yığmasının heyətində Məhəmməd Salah vurub. Səudiyyə Ərəbistanının futbolçusu Salman əl-Fərəc 45+6-cı dəqiqədə hesabı bərabərləşdirib. Salem əl-Dosari isə 90+5-ci dəqiqəsində fərqlənməklə komandasına qələbə qazandırıb.
Bu nəticədən sonra Səudiyyə Ərəbistanı qrup mərhələsini 3, Misir isə xalsız başa vurub.
25 iyun
A qrupu
18:00. Uruqvay - Rusiya - 3:0
Qollar: L. Suares, 10 (1:0), D. Çerışev, 23-avtoqol (2:0), Kavani, 90 (3:0)
Qırmızı vərəqə: İ. Smolnikov, 36
Baş hakim: Malanq Didhyu (Seneqal)
Samara. "Samara Arena"
18:00. Səudiyyə Ərəbistanı - Misir - 2:1
Qollar: M. Salah, 22 (0:1), S. Əl-Hadari, 45+2-penalti (1:1), Salem, 90+5 (2:1)
Baş hakim: Vilmar Roldan (Kolumbiya)
Volqoqrad. "Volqoqrad Arena"
| 1. | Uruqvay | 3 | 3 | 0 | 0 | 5:0 | 9 |
| 2. | Rusiya | 3 | 2 | 0 | 1 | 8:4 | 6 |
| 3. | S.Ərəbistanı | 3 | 1 | 0 | 2 | 2:7 | 3 |
| 4. | Misir | 3 | 0 | 0 | 3 | 2:6 | 0 |
