Rusiyada keçirilən futbol üzrə dünya çempionatının hər iki finalçısı müəyyənləşib. Modern.az xəbər verir ki, ikinci yarımfinal oyununda İngiltərə və Xorvatiya komandaları qarşılaşıb. Oyunun əsas vaxtı 1:1 hesabı ilə yekunlaşdığından əlavə vaxt təyin olunub. Əlavə vaxtda daha üstün oyun nümayiş etdirən Xorvatıya daha bir qol vuraraq İngiltərə üzərində 2:1 hesablı qələbə qazanıb. Bu qələbə Xorvatiyanı tarixində ilk dəfə olaraq dünya çempionatının finalına çıxarıb.

Finalda Xorvatiyanın rəqibi Fransa olacaq.

00:23

İngiltərə və Xorvatiya oyununun əsas vaxtında qalib müəyyənləşmədiyindən əlavə vaxt təyin olunub.  Modern.az xəbər verir ki, əlavə vaxtın ilk hissəsində də qapılara qol vurulmayıb. 109-cu dəqiqədə isə Mario Mandzukiç gözəl qolla Xorvatiyanı önə keçirib.

23:27

İngiltərə və Xorvatiya oyununda hesab bərabərləşib. Oyunun 68-ci dəqiqəsində İvan Perişiç Xorvatiyanın bərabərlik qolunu vurub.

22:06

İngiltərə və Xorvatiya komandalarının qarşılaşmasında erkən qol vurulub. Modern.az xəbər verir ki, oyunun 5-ci dəqiqəsində cərimə zərbəsini dəqiq yerinə yetirən Tripyer komandasını hesabda önə çıxarıb.

22:00

Rusiyada keçirilən futbol üzrə dünya çempionatında ikinci yarımsinal oyunu keçirilir. Modern.az xəbər verir ki, Rusiya paytaxtındakı "Lujniki" stadionunda baş tutan qarşılaşmada İngiltərə və Xorvatiya komandaları üz-üzə gəlir.

Komandalar meydana aşağıdakı heyətlə çıxıb:

Xorvatiya: Subaşiç, Vrsalko, Striniç, Lovren, Vida, Modriç, Rakitiç, Brozoviç, Rebiç, Perişiç, Mandzukiç

İngiltərə: Pikford, Uolker, Stouns, Maquayr, Trippyer, Yanq, Henderson, Linqard, Alli, Sterlinq, Keyn

Qeyd edək ki, bu oyunun qalibi finalda Fransa ilə qarşılaşacaq.