“Avrasiya İttifaqının İqtisadi Komissiyasının son 3 il ərzində dərc etdiyi sənədlərdə Azərbaycanın işğal altındakı Dağlıq Qarabağ torpaqlarının Ermənistan ərazisi göstərilməsi ilə bağlı araşdırma aparılır”.
Bu sözləri Modern.az-a açıqlamasında Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev deyib .
Hikmət Hacıyev bildirib ki, yol verilən xətanın aradan qaldırılması ilə bağlı Avrasiya İttifaqının İqtisadi Komisiyyasına rəsmi müraciət olunacaq.
Qeyd edək ki, sosial şəbəkələrdə yayılan fotolarda beynəlxalq təşkilata üzv ölkələrin vəziyyətini əks etdirən sənədlərdə Dağlıq Qarabağ və ətraf rayonların rəsmi Yerevanın ərazisi kimi təsvir olunduğunu görmək mümkündür.
