Modern.az-ın məlumatına görə, Milli Məclisin bu günkü iclasında xərclər smetası ilə bağl sənəd müzakirə olunarkın BAXCP sədri Qüdrət Həsənquliyev deputatların xidməti avtomobillərlə təmin olunması təkifi ilə çıxış edib. Onun sözlərinə görə, ayrı-ayrı nazirliklərin adi şöbə müdirlərinin ximəti avtomobili olsa da,  bu, deputatlara şamil edilmir. Deputat təklif edib ki, əgər avtomobil məsələsi düzəlmirsə, o zaman deputatın əmək haqlarında bu, əks olunsun.

Digər millət vəkili Elmira Axundova da deputatların xidməti maşınla təmin olunması təklifini dəstəklədiyini bildirib. Deputat xidməti maşınların xüsusi xidməti nömrə nişanları ilə fərqləndirməyi təklif edərək bunun üçün Dövlət Yol Polisinə müraciət etməyi vacib hesab edib. Onun sözlərinə görə, deputatın xidməti maşının xüsusi nömrələri yol polislərində olmalıdır.

Modern.az