Rusiyanın Ukraynada hərbi əməliyyatlara başladığı ilk gündən indiyədək 6 milyondan çox ukraynalı ölkəsini tərk edib.
Modern.az-ın xəbərinə görə, bu barədə BMT-nin Cenevrə ofisinin yaydığı bəyanatda bildirilib.
Son məlumatlara əsasən, digər ölkələrə sığınan ukraynalıların sayı 6 029 705 nəfərdir. Onların 90%-ni qadın və uşaqlar təşkil edir. 18-60 yaş arası kişilərin ölkədən çıxışına icazə verilmir.
BMT-nin proqnozlarına görə, ilin sonunadək ukraynalı qaçqın sayı 8 milyon nəfəri ötəcək.
