Xankəndidə saxlanılan general-mayor Samvel Karapetyana qarşı ittiham irəli sürülüb.
Modern.az Ermənistan KİV-nə istinadən xəbər verir ki, cinayət təqibinə səbəb mayın 10-da Qarabağın mərkəzindəki atışma olub. Belə ki, general Karapetyan Xankəndinin mərkəzi meydanında dörd gəncə atəş açıb.
Karapetyana qarşı Cinayət Məcəlləsinin bir neçə maddəsi ilə ittiham irəli sürülüb. Onun barəsində silahla xuliqanlıq, qanunsuz olaraq silah əldə etmə, saxlama və daşıma ilə bağlı cinayət işi başlanıb.
Karapetyan barəsində seçilən həbs-qətimkan tədbiri dəyişdirlib və o, sərbəst buraxılaraq haqqında Qarabağı tərk etməmək barədə vəsatət seçilib.
İstintaq çərçivəsində axtarışlar aparılıb, ekspertiza təyin edilib. İstintaq davam edir.
Samvel Karapetyan Qarabağ ermənilərinin qondarma "ordu"sunun keçmiş "komandanı" olub. O, 1992-94-cü illərdə Qarabağ müharibəsində iştirak edib.
