Gürcüstan rəhbərliyi NATO-nun iyunun sonunda Madriddə keçiriləcək sammitinə dəvət alacaq.
Modern.az xarici KİV-ə istinadən xəbər verir ki, bu barədə NATO baş katibinin müavini Mirça Joanna Alyansın xarici işlər nazirlərinin Berlində keçirilən iclasından əvvəl jurnalistlərə müsahibəsində bildirib.
O qeyd edib ki, qərar açıq qapı siyasəti çərçivəsində qəbul edilib:
"NATO hər zaman xalqların öz yolunu seçmək hüququna hörmətlə yanaşıb. Gürcüstan NATO-nun uzunmüddətli tərəfdaşlıq etdiyi inkişaf etmiş imkanlara malik tərəfdaşdır və mən deyə bilərəm ki, Gürcüstan rəhbərliyi NATO sammitinə dəvət olunacaq”.
