Futbol üzrə Azərbaycan Premyer Liqasında XXVII turun oyunları keçirilib.
Modern.az xəbər verir ki, "Qəbələ" səfərdə "Şamaxı"nı 1:0 hesabı ilə üstələyib.
"Sabah" doğma meydanda "Sumqayıt"la 2:2 hesablı heç-heçə edib. Çempionatın lideri "Qarabağ" səfərdə "Səbail"i məğlubiyyətə uğradıb - 3:0. Gümüş medalları təmin etmiş "Neftçi" səfərdə "Zirə"yə 0:1 hesabı ilə uduzub.
Bu nəticələrdən sonra "Zirə" və "Qəbələ" komandaları UEFA Konfrans Liqasına vəsiqələri rəsmiləşdirib. Bu iki komanda ilə yanaşı, "Neftçi" də sözügedən turnirdə mübarizə aparacaq. "Qarabağ" isə Azərbaycanı Çempionlar Liqasında təmsil edəcək.
