Ukraynanın Xarkov vilayətinin Lozova şəhərindəki Mədəniyyət evi raket atəşinə tutulub.
Modern.az xəbər verir ki, hücum nəticəsində biri uşaq olmaqla 7 nəfər yaralanıb.
Raket atəşindən sonra binada yanğın baş verib.
Yerli KİV-lərin yaydığı məlumata görə, Rusiya ordusunun raket hücumu bu gün saat 15:00-da qeydə alınıb.
Xarkov vilayəti üzrə Dövlət Fövqəladə Hallar Xidmətindən bildirilib ki, əraziyə cəlb olunan yanğınsöndürənlər alovun qarşısını alıblar.
