Bu gün Davosda 35 ildən sonra ilk dəfə Rusiya iş adamları və rəsmilərinin iştirakı olmadan Dünya İqtisadi Forumu işinə başlayır.
Modern.az xarici KİV-ə istinadən xəbər verir ki, bu barədə qurumun mətbuat xidməti məlumat yayıb.
Konfrans zamanı Ukrayna Prezidenti Volodimir Zelenski də çıxış edəcək.
Bu il görüşün əsas mövzusu “Tarixdə dönüş nöqtəsi: dövlət siyasəti və biznes strategiyaları”dır.
Ümumilikdə, iştirakçılar bir sıra məsələlərə, o cümlədən Rusiyanın Ukraynaya müdaxiləsi, Ukrayna infrastrukturunun bərpası, COVID-19 pandemiyası və iqlim dəyişikliyi kimi mövzulara toxunacaqlar.
Tədbirdə 2,5 milyondan çox insan, o cümlədən 50-yə yaxın dünya lideri iştirak edəcək. Onların arasında Avropa Komissiyasının rəhbəri Ursula fon der Leyen, BQXK-nın rəhbəri Peter Maurer, BVF-nin rəhbəri Kristalina Georgiyeva, Polşa Prezidenti Anjey Duda, NATO-nun baş katibi Yens Stoltenberq də var.
