Bu gün Azərbaycan Respublikasının Prezidenti yanında Əfv Məsələləri Komissiyasının iclasları yekunlaşıb.
Modern.az xəbər verir ki, bugünkü iclasda 100-dən çox müraciətə baxılıb və bununla da baxılan müraciətlərin sayı 600-ə çatıb.
Komissiyadan bildirilib ki, prosedur qaydalarına əsasən, yekun siyahı Prezident İlham Əliyevə təqdim olunacaq.
***
15:18
Hazırda Azərbaycan Respublikasının Prezidenti yanında Əfv Məsələləri Komissiyasının sonuncu iclası başlayıb.
Modern.az xəbər verir ki, Komissiyada daxil olan müraciətlərə baxılır.
***
09:43
Bu gün Azərbaycan Respublikasının Prezidenti yanında Əfv Məsələləri Komissiyasının sonuncu iclası keçiriləcək.
Bu barədə Modern.az-a Komissiyadan məlumat verilib.
Bildirilib ki, bugünkü iclasda daxil olan müraciətlərə baxılacaq. Ümumilikdə indiyədək 500-dən çox müraciətə baxılıb.
Qeyd edək ki, 28 May Müstəqillik Günü münasibəti ilə ölkə başçısı tərəfindən Əfv sərəncamının imzalanacağı gözlənilir.
