"Bəzən vəkillər bir-birinin fəaliyyətini ictimai müzakirəyə çıxarır. Problem varsa, vəkillər bunu öz aralarında həll etməlidirlər".
Modern.az xəbər verir ki, bunu Azərbaycan Vəkillər Kollegiyasının Rəyasət Heyətinin sədri Anar Bağırov mətbuat konfransında bildirib.
Sədr qeyd edib ki, vəkillər belə məsələləri ictimai müzakirəyə çıxarmamalıdırlar:
"İctimailəşdirəndə vəkil hörmətdən düşür. Hər kəsin şərəf və ləyaqəti var. Vəkillərin nüfuzu vəkillərdən asılıdır. Biz öz nüfuzumuzu qorumasaq, heç kim bizə dəstək verməyəcək".
