Buryatiyanın keçmiş deputatı 17 yaşlı qızı avtomobillə vuraraq öldürməsi və hadisə yerindən qaçması ilə bağlı cəzasını vaxtından əvvəl başa vuraraq azadlığa çıxıb.
Modern.az Rusiya KİV-nə istinadən xəbər verir ki, 2020-ci ildə bahalı avtomobil 17 yaşlı Qalinanı vuraraq öldürüb. Qəzadan sonra avtomobili idarə edən şəxs və onunla birlikdə olan şəxslər hadisə yerindən qaçıblar.
2021-ci ildə Bair Jambalov 6 il müddətinə koloniyada-məskəndə həbs cəzasına məhkum edilib.
Daha sonra onun cəzası məcburi ictimai işlərlə əvəzlənib, ardınca isə keçmiş məmura cəzasını evdə çəkməyə icazə verilib.
Ümumilikdə Jambalov təxminən 4 il koloniyada, daha bir il isə məcburi işlərdə keçirib.
Prokurorluq onun azadlığa buraxılmasına etiraz edərək qərardan şikayət verib. Lakin Buryatiya Ali Məhkəməsi prokurorluğun şikayətini təmin etməyib.
