17 Yanvar 2018, 21:15 | Ana Səhifə - Yazılar - Çox adam “tanınmış”, “məşhur” olub - Belə getsə, tezliklə “dahi” də olacaqlar...
Çox adam “tanınmış”, “məşhur” olub - Belə getsə, tezliklə “dahi” də olacaqlar...

Mülatif Adurov,
Azərbaycan Prezidentinin fərdi təqaüdçüsü, 
telejurnalist


Sanki dəbə düşüb: saytlar hansı şairi, publisisti, musiqiçini, müğənnini təqdim edirlərsə, adının qarşısına “tanınmış”, “məşhur” sözlərini yazırlar. Xüsusən adamı rəhmətə getmiş şəxslərin böyük əksəriyyəti bu adlarla təqdim olunur ki, bu da başsağlığı verilən şəxsin yersiz təbliğinə xidmət edir, haqlı olaraq narazılıq doğurur. 

İş o yerə çatıb ki, yazıçı-publisist yaradıcılığı xarici ölkələrin oxucularına yaxşı tanış olan diplomat, təvazökar insan Xeyrəddin Qoca da bu barədə fikrini  belə açıqlayıb: “Bəlkə onlara “məşhur” yox, “tanınmış” deyək”.

Son dərəcə yumşaq qəlbə malik Xeyrəddin müəllim çox kövrəkdir, heç kimin xətrinə dəyməmək üçün sərt danışmır. Qələminə pərəstiş etdiyim Xeyrəddin müəllimə üz tutaraq (daha doğrusu, bəzi saytların rəhbərlərinə) dostçasına deyirəm: axı, adları Biləcəridən o tərəfə belə keçməyənlərə necə tanınmış deyəsən?! Belə getsə onlara dahi də deyəcəklər, buna inanın! Qabartma təbliğatı durdurmaq lazımdır!


Mən 50 illik jurnalistik fəaliyyətimdə qələmi ilə tanıdığım çox mətbuat fədaisinə məşhur  jurnalist deməkdən həzz alaram (təkcə bu sahəni misal gətirirəm).

Məşhur jurnalist-publisist olar Nəsir İmanquliyev, Qabil İmamverdiyev,  Bəxtiyar Sadıqov, Şamil Şahməmmədov, Nəriman Həsənzadə, Aqşin Babayev, Həsən Həsənov, Yusif Kərimov, Faiq Hüsiyev və başqa bu kimi tanınmışlar. Amma adlarını çəkmək istəmirəm, çoxları saytlarda  tanınmış, məşhur  kimi təqdim edilir - şair də, müğənni də, aktyor da. Yaradıcı insana layiq olduğu ad verilməlidir.


Yeri gəlmişkən bir mövzuya da toxunmaq istəyirəm. Mən dəfələrlə dilimizin qayda-qanunlarının pozulduğu televiziyalar, saytlar haqqında yazmışam, mövzunu təkrarlamaq istəmirəm (halbuki bu da lazımdır). 

Dil xətaları bir tərəfə, saytlar əxlaqsız sözlər yazırlar, pornoşəkillər verməklə sanki bəhsə giriblər. Vaxtilə (sovet dövründə) “fahişə”, “cins”, “lüt”, “yarıçılpaq”, “seks” kimi sözlər yazmaq qadağan idi , çox  ciddi ehtiyac olanda bu sözlərin qarşılığını tapıb oxuculara çatdırardıq. Mənə irad tuta bilərlər ki, “bəs sən indi niyə bu sözləri işlədirsən?”. Mən fikrimi çatdırmaq üçün məcburiyyət qarşısında  qaldığım üçün üzr istəyirəm.  Qəribədir, əxlaqsız yazılar yazanların, şəkillər verənlərin evlərində ana-bacıları, qız-gəlinləri yoxdurmu? Mən hələ uşaqları, yeniyetmələri demirəm.


Nə isə... bunlar azmış kimi daha yeni ifadələr də baş alıb gedir: sinə dekoltısi, sinəaltı dekoltə, ayaq dekoltəsi, açıq kürək və s. Belə yazmaq olar! Ayıbdır! 


Rəsmi məlumata görə  Çində  son bir ildə əxlaqsız yazılar, şəkillər dərc edən 13 mindən çox sayt bağlanıb. Görünür, bizdə də belə qadağaya əl atılmalıdır. Bu mübarizəni kim aparmalıdır. Məncə ana-bacı qeyrəti çəkən hər kəs!

Bu yaxınlarda  supermarketlərdə birində tualet kağızı bükülmüş paketin üstündəki yazılara göz gəzdirdim. İstehsalçı ünvanı, dəyəri bilinməyən bu paketin üstündə “ekonomik” sözü vardı. Anlaşılır, yəni “sərfəli, səmərəli. “Naxışlı”, “yumşaq” , “üç qat” sözləri də məhsula uyğun idi. Amma oxuduğum “ətirli” sözünə məəttəl qaldım. Ətirli sabun olar, ətriyyat məhsulları olar, çay olar, bəzi meyvələr olar və s. Daha satılması xətrinə tualet kağızının üstünə “ətirli” (şəkilə baxın) sözünü yazmaq heç bir əndazəyə sığmır. Tualet kağızının ətirli-ətirsiz olması kimə gərəkdir?! 



Milli mentalitetimizə ciddi zərbə vuran bəzi xəbərlərin (qardaş bacını, ata qızını, qaynata gəlinini ...) saytlarda dərc olunması birdəfəlik yığışdırılmalıdır. Milyonda bir hadisəni şişirtmək əxlaqsızlığın təbliği deyilmi? 

Operativ xəbərləri, dilinin təmizliyilə razılaşdığım, daimi oxucusu olduğum Modern.az saytında da onun adına xələl gətirən reklam xarakterli şəkillərə rast gələndə bunu özümə təhqir kimi qəbul edirəm. Bunun hansı zərurətdən irəli gəldiyini deyə bilmərəm və buna görə də bu çox oxunan saytı qınamaq istəmirəm. 

Sonda yenə yazının əvvəlinə qayıtmaq istəyirəm: istənilən halda əgər layiqli olmayan şəxslərə tanınmış, məşhur deyiriksə, bu əsl tanınmışlara, məşhurlara hörmətsizlik deyilmi?..

MÜƏLLİFİN DİGƏR YAZILARI
Azad olunan ərazilərdə daha 78 mina tapıldı 27 Sentyabr 2021, 17:22 Baş Prokurorluqdan VİDEOMÜRACİƏT 27 Sentyabr 2021, 17:21 Almaniyada bu partiyalar koalision hökumət qurmağa HAZIRLAŞIR 27 Sentyabr 2021, 17:06 Ağsaqqallar Şurasından xalqa müraciət 27 Sentyabr 2021, 17:03 Bakıda qadın meyiti tapıldı 27 Sentyabr 2021, 16:59 “Azəriqaz”dan növbəti “Açıq mikrofon” aksiyası 27 Sentyabr 2021, 16:54 “Prezident Azərbaycanın dünya üçün əhəmiyyətini göstərdi” 27 Sentyabr 2021, 16:48 Şəhid Mübariz İbrahimov məktəbi İstanbulda QAZİLƏRİMİZLƏ 27 Sentyabr 2021, 16:44 1 gündə 630 nəfərə peyvənd vurulub 27 Sentyabr 2021, 16:40 Daha 1241 nəfər koronavirusdan sağaldı, 19 nəfər öldü 27 Sentyabr 2021, 16:39 Ordumuz 30 illik Qarabağ həsrətinə 44 gündə son qoydu 27 Sentyabr 2021, 16:37 Avronest PA-nın Büro iclası keçirildi 27 Sentyabr 2021, 16:34 Azərbaycanda vaksin sınağı: Koronavirusdan müdafiə 4 dəfə artdı 27 Sentyabr 2021, 16:32 Yol polisi sürücülərə müraciət etdi 27 Sentyabr 2021, 16:28 Naxçıvanda şəhidlərin xatirəsi yad edilib 27 Sentyabr 2021, 16:24 Bakının Baş Planından yeni xəbər var - RƏSMİ 27 Sentyabr 2021, 16:20 Şəmkirdə 27 sentyabr Anım Günü tədbiri keçirilib - FOTOLAR 27 Sentyabr 2021, 16:17 Şəhidlər Memorial Abidə Kompleksinin açılışı oldu 27 Sentyabr 2021, 16:13 Prezident və birinci xanım yürüşdə iştirak etdi - FOTOLAR - YENİLƏNİB 27 Sentyabr 2021, 16:11 Antrim şəhərində şəhidlərimiz anıldı - FOTO 27 Sentyabr 2021, 16:08 Füzulidə “27 sentyabr - Anım günü” qeyd edilib 27 Sentyabr 2021, 16:05 “Qaçqınkom”da şəhidlər yad olundu 27 Sentyabr 2021, 16:04 "Vikipediya”da 2000-dən çox Vətən müharibəsi şəhidinin məqaləsi yaradılıb 27 Sentyabr 2021, 15:59 Şəhidlərimiz Hacıqabulda da anılıb - FOTOLAR 27 Sentyabr 2021, 15:56 İlham Əliyev və Mehriban Əliyeva Heydər Əliyevin məzarını ziyarət ediblər 27 Sentyabr 2021, 15:51 Oğluna qovuşan ŞƏHİD ANASI - Bağışla, səni koronavirusdan xilas edə bilmədik 27 Sentyabr 2021, 15:48 Daşkəsəndə Anım Günü qeyd olunub - FOTO 27 Sentyabr 2021, 15:46 Lavrovla Şoyqu deputat mandatından imtina etdi 27 Sentyabr 2021, 15:42 İlham Əliyev Qarabağdakı Rusiya sülhməramlılarının işinə belə QİYMƏT VERDİ 27 Sentyabr 2021, 15:39 Münhendəki Azərbaycan Evində şəhidlərimiz yad edilib 27 Sentyabr 2021, 15:35 Baş nazirdən Türkiyənin Vitse-prezidentinə MƏKTUB 27 Sentyabr 2021, 15:30 COVID pasportuna görə neçə müəllim məktəbə buraxılmır? - Rəsmi CAVAB 27 Sentyabr 2021, 15:28 General Mais Bərxudarov Şuşada bayrağımızı qaldırdı-VİDEO 27 Sentyabr 2021, 15:24 Azərbaycan yığması Ermənistanla qarşılaşacaq - FOTO 27 Sentyabr 2021, 15:20 "DAYAQ" Xeyriyyə Fondu qazilərlə görüşüb - FOTO  27 Sentyabr 2021, 15:15
SORĞU Hansı vaksinə etibar edirsiniz?