Türkiyənin Malatya vilayətində 5,0 bal gücündə zəlzələ qeydə alınıb.
Modern.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Məlumata görə, yeraltı təkanların episentri Malatya vilayətində yerləşib. Zəlzələ ocağı 16 kilometr dərinlikdə qeydə alınıb.
İlkin məlumata əsasən, təbii fəlakət nəticəsində dağıntı və ya insan tələfatı barədə məlumat daxil olmayıb.
Aidiyyəti qurumlar bölgədə monitorinq və qiymətləndirmə işlərini davam etdirirlər.
