Qazax rayonunun ardınca bu gün axşam saat 21:00 radələrində Tovuzun Aşağı Quşçu kəndində qadın meyiti aşkar edilib. Modern.az saytı "Report"a istinadən xəbər verir ki, meyit Tovuz rayon morquna yerləşdirilib. İlkin araşdırma zamanı Əsrik çayının rayonun Aşağ Quşçu kəndi ərazisindən keçən hissəsində meyiti tapılan qadının Aşağı Quşçu kənd sakini, 1999-cu il təvəllüdlü Günay Rafiq qızı Gülməmmədova olduğu məlum olub. Onun bıçaqlanaraq qətlə yetirildiyi bildirilir. Faktla bağlı araşdırma aparılır.
Qeyd edək ki, bu gün Qazax rayonunda da 25 yaşlı naməlum qadın meyiti aşkar edilib. Kimliyi məlum olmayan meyit müayinə olunmaq üçün Qazax Diaqnostika Mərkəzinə aparılıb. Faktla bağlı Qazax rayon Prokurorluğunda araşdırma aparılır.
Modern.az
