Bakıda piyadanın vurulması ilə nəticələnən yol-nəqliyyat hadisəsi baş verib.
Modern.az "Report"a istinadən xəbər verir ki, hadisə Suraxanı rayonunda qeydə alınıb.
Qaraçuxur qəsəbəsində 2003-cü il təvəllüdlü Kərimova Aydan İkra qızı yolu keçərkən onu avtomobil vurub. Yaralı yaxınlıqdakıların köməkliyi ilə xəstəxanaya çatdırılıb. Ona qol və diz nahiyəsinin əziyi diaqnozu qoyulub.
Hadisəni törədən sürücü ərazidən yayınıb.
