Meksikada Heydər Əliyev abidəsi ətrafında mübahisənin çözülməsi üçün yaradılan komissiya heykəlin götürülməsi ilə bağlı qərar verib. Modern.az “Ria Novosti”yə istinadən xəbər verir ki, qərarla bağlı isə Azərbaycanın Meksikadakı səfiri İlqar Muxtarov bildirib ki, bu addım Azərbaycan və Meksika arasında diplomatik münasibətlərin kəskin pisləşməsinə səbəb olacaq. “Heydər Əliyevin abidənin götürülməsi həm Azərbaycan və Meksika arasındakı münasibətləri pisləşdirəcək, həm Azərbaycan səfirliyi bağlanacaq, həm də 4 milyard dollarlıq investisiyanı ləğvinə səbəb olacaq” – deyə İ. Muxtarov qeyd edib.
Qeyd edək ki, abidə parkın təmiri üçün pul ödəyən Azərbaycan səfirliyi tərəfindən ucaldılıb. İmzalanmış sazişə görə, abidə 99 il yerində qalmalıdır.