ABŞ-ın Azərbaycandakı səfiri vəzifəsinə yeni namizəd irəli sürülüb.
Modern.az xəbər verir ki, bu barədə Ağ Ev-in saytı informasiya yayıb.
Məlumata görə, Prezidenti Donald Tramp Aleksandr Aldeni ABŞ-ın Azərbaycandakı səfiri vəzifəsinə namizəd göstərib.
Aleksandr Aldenin səfir təyin edilməsi barədə sənəd artıq ABŞ Senatına da təqdim edilib.
ABŞ-ın Azərbaycandakı əvvəlki səfiri Mark Libbi 2024-cü ilin dekabrında vəzifəsindən gedib.
Hazırda ABŞ-ın Azərbaycandakı səfirliyinə müvəqqəti işlər vəkili Emi Karlon rəhbərlik edir.
