ABŞ Mərkəzi Komandanlığı (CENTCOM) gəmilərdən ələ keçirilən İran silahlarını Ukraynaya göndərib.
Modern.az xəbər verir ki, bu barədə CENTCOM məlumat yayıb.
Komandanlığın məlumatına görə, silahlar Yəməndəki Ənsar Allah hərəkatı (husilər) üçün nəzərdə tutulub.
Qurum "X" sosial şəbəkəsində bildirib ki, aprelin 4-də Ukrayna silahlı qüvvələrinə 5 mindən çox AK-47 avtomatları, pulemyotlar, snayper tüfəngləri, RPQ-7-lər və 500 mindən çox 7,62 mm çaplı patron verilib.
Silahlar 2021-ci ilin mayından 2023-cü ilin fevralına qədər ABŞ Mərkəzi Komandanlığı və ABŞ-ın tərəfdaş donanmaları tərəfindən ələ keçirilib.
İran hakimiyyəti isə husilərə silah verilməsi ittihamlarını rədd edir.
