ABŞ Konqresinin Nümayəndələr Palatasının spikeri Mayk Conson bildirib ki, müttəfiqlərə yardım haqqında qanun layihəsi 4 hissəyə bölünəcək.
Modern.az UNIAN-a istinadən xəbər verir ki, onun sözlərinə görə, Amerikanın Ukrayna, İsrail, Tayvana yardımı və ABŞ-ın milli təhlükəsizliyinə dair 4 ayrı qanun layihəsi olacaq.
Dördüncü sənəddə həmçinin Ukraynaya kreditlərin verilməsi, Rusiyanın aktivlərinin müsadirəsi, İrana qarşı sanksiyalar və ABŞ-da "TikTok" sosial şəbəkəsinə qadağa qoyulması kimi təkliflər yer alacaq.
Qanun layihələrinin həftənin sonuna kimi səsə qoyulacağı gözlənilir.
