AŞPA sədri Pedro Aqramunt AŞPA-dakı (Avropa Şurası Parlament Assambleyası) Azərbaycan və Ermənistan nümayəndə heyətləri arasında əlaqə qurmağı planlaşdırır.
Modern.az Ermənistanı KİV-nə istinadən xəbər verir ki, Ermənistan parlamentinin vitse-spikeri Armine Naqdalyanla görüşən Aqramunt yaxın vaxtlarda iki ölkənin deputatları arasında görüş təşəbbüsü ilə çıxış edəcəyini deyib.
Aqramuntun fikrincə, belə görüşlər AŞPA-nın işinin daha konstruktiv formada davam etməsinə vasitəçi olacaq.
O həmçinin yaxın vaxtlarda Azərbaycan və Ermənistana səfər etmək istədiyini də deyib.
Vüqar İSMAYILOV
