Paytaxtda bədbəxt hadisə yaşanıb. Modern.az Fövqəladə Hallar Nazirliyindən verilən məlumata görə, hadisə Nərimanov rayonunda qeydə alınıb. Belə ki, inzibati binanın liftində təmir işləri aparan 1991-ci il təvəllüdlü Əhmədov Orxan Şəhrab oğlu liftin şaxtasına yıxılıb.
Nazirliyin Xüsusi Riskli Xilasetmə Xidmətinin xilasediciləri O. Əhmədovun cəsədini şaxtadan çıxararaq aidiyyəti üzrə təhvil veriblər.