“Son dövrlər koronvirusla bağlı vəziyyət gərginləşib”. Modern.az xəbər verir ki, bunu parlamentin plenar iclasında çıxış edən Milli Məclisin sədri Sahibə Qafarova deyib.
Sədr koronavirusa yoluxan deputat haqqında da danışıb:
“Milli Məclisdə bir sıra həmkarlarımız arasında COVID-19-a yoluxanlar var. Xahiş edirəm ki özünüzü qoruyun. Qarşıda bizi çox əhəmiyyətli günlər gözləyir. Tələb edirəm ki, qaydalara riayət edəsiniz. Bu mübarizədə də fəal iştirak etməliyik”.
Qeyd edək ki, Milli Məclisinin 10-dan çox deputatının koronavirusa yoluxduğu barədə məlumat yayılıb.