Tarixdə ilk dəfə İsrailə məxsus təyyarə Səudiyyə Ərəbistanının paytaxtı Ər-Riyada enib.
Modern.az xarici mətbuata istinadən xəbər verir ki, iki ölkə arasında diplomatik münasibətlər olmadığına görə ölkələr kommersiya məqsədli hava daşımaları həyata keçirmir.
Bu ilk reys iki ölkə arasında münasibətlərin inkişafı yolunda əhəmiyyətli nailiyyət hesab olunur. İsrail və Səudiyyə Ərəbistanı ötən il hava məkanlarını bir-biriləri üçün açıb.
Qeyd edək ki, dünən Ermənistan Prezidenti Armen Sarkisyanın təyyarəsi də Ər-Riyad hava limanına eniş edib.
