“Həm 9, həm də 11-ci sinif üzrə buraxılış imtahanı bir mərhələdə keçiriləcək”.
Modern.az xəbər verir ki, bu sözləri Dövlət İmtahan Mərkəzinin (DİM) Metodika və dərsliklərin monitorinqi şöbəsinin müdiri Afiqə Batıyeva deyib
Onun sözlərinə görə, imtahanlar 85 sualdan ibarət olacaq:
“Proqramda əsas mənbə dərsliklərdir. Proqrama dərsliklərdən kənar heç bir element daxil edilməyib. Bacarıqlar da dərsliklər vasitəsilə formalaşır. Tövsiyə edərdim ki, dərslikləri oxumaqla yanaşı, imtahana hazırlaşanlar OTK.az saytında onlayn sınaq imtahanında iştirak etsin”.
