Moskva Ukraynadakı vəziyyətin “geosiyasi reallıqlar nəzərə almaqla” siyasi-diplomatik həllinə hazırdır.
Modern.az xəbər verir ki, bunu Rusiya prezidenti Vladimir Putin bildirib.
Putinin sözlərinə görə, Rusiyaya ünvanlanan ultimatum xarakterli tələblər mövcud reallıqlardan qopmaqdan və vəziyyətdən çıxış yolu tapmağa maraqlı olmamaqdan xəbər verir.
O qeyd edib ki, 2022-ci ilin yazında sülh danışıqları Rusiya tərəfindən dayandırılmayıb.
Rusiya prezidentinin sözlərinə görə, Kiyev “mövcud vəziyyətdən çıxış yolu axtarmaqda” maraqlı deyil.
