Qırğızıstanın müvəqqəti hökuməti keçmiş prezident Kurmanbek Bakiyevin oğlu Maksim Bakiyevin həbs olunması xahişi ilə Latviya hökumət orqanlarına müraciət edib. Modern.az Rusiya mətbuatına istinadən xəbər verir ki, Maksim Bakiyev hazırda Baltikyanı ölkə ərazisindədir. Bu barədə Latviya Baş Prokurorluğunun rəsmi nümayəndəsi Andreys Vasks bildirib. Onun sözlərinə görə, müvəqqəti hökumət Latviya Baş Prokurorluğuna Maksim Bakiyevin müvəqqəti həbsinə dair sənədlər paketi göndərib. Baş Prokurorluq müvəqqəti hökumətin göndərdiyi məlumatların qaranlıq və ziddiyətli olmasını əsas gətirərək təcili qaydada yeni hökumətdən Maksim Bakiyevə dair ətraflı məlumat göndərilməsini istəyib.
