Bakı şəhərində əhalinin içməli su təchizatının yaxşılaşdırılması məqsədilə həyata keçirilən layihəyə uyğun olaraq yeni çəkilmiş su xətlərinin şəbəkəyə qoşulması prosesi aparılır. Bu məqsədlə Bakı şəhərinin şərq hissəsində yerləşən + 69 Şərq su anbarında yeni çəkilmiş xətləri şəbəkəyə qoşulur. Bununla əlaqədar oktyabrın 18-nə keçən gecədən başlayaraq gün ərzində Xətai və Nizami rayonlarına içməli suyun verilməsində müvəqqəti məhdudiyyətlər olacaq. Qoşulma işlərinin bu gün axşam saatlarında – saat 19.00-20.00-da başa çatdırılması nəzərdə tutulur.
"Yaranmış narahatlıqla əlaqədar “Azərsu” Səhmdar Cəmiyyəti abonentlərdən üzrxahlıq edir" deyə qurumun açıqlamasında bildirilib.
Modern.az
