Azərbaycanda səfərdə oilan Türkiyə Jurnalistlər Birliyi sədrinin müavini, Alanya Qəzetçilər Cəmiyyətinin sədri Mehmet Ali Dimin başçılıq etdiyi bir qrup türkiyəli jurnalist fevralın 2-də Quba məzarlığına gediblər. Qubaya səfər türkiyəli jurnalistləri Azərbaycana dəvət edən Parlament Jurnalistlər Birliyi tərəfindən təşkil olunub. Modern.az xəbər verir ki, Quba məzarlığında olan qardaş ölkənin media nümayəndələri burada törədilən soyqırımı barədə ətraflı məlumatlandırılıblar. Türk jurnalistlər Quba məzarlığı barədə öz ölkələrinin mətbatında geniş materiallarla çıxış edəcəklərinə söz veriblər.
