Litva hududida yadro qurolini joylashtirishga qo'yilgan taqiqni bekor qilish bo'yicha muhokamalar Rossiyaning keskin reaksiyasiga sabab bo'ldi.
Modern.az xabar berishicha, Rossiya Prezidentining matbuot kotibi Dmitriy Peskov Litvaning bu boradagi mumkin bo'lgan qarori keskinlikning yangi bosqichga o'tishiga sabab bo'lishini bildirgan.
Uning so'zlariga ko'ra, Litva hududida yadro qurolini joylashtirish jiddiy eskalatsiyani keltirib chiqaradi.
“Litva hukumatining mamlakat hududida yadro qurolini joylashtirishga qo'yilgan taqiqni bekor qilishni muhokama qilishi keskinlikning yangi bosqichiga olib keladi. Buni oldindan bashorat qilish mumkin edi. Bu keskinlikning kuchayishi nuqtai nazaridan juda jiddiy qadam bo'ladi”, – dedi Peskov.
Kreml matbuot kotibi ta'kidlashicha, agar biron bir davlat o'z hududida yadro qurolini joylashtirsa, bu qurol kimgadir qarshi yo'naltirilishi nazarda tutiladi.
“Bu qurol G'arbga yo'naltirilmaydi. U Sharqqa – ya'ni bizga qarab yo'naltiriladi. Agar bizning hududimizga yo'naltirilgan yadro quroli o'sha davlat hududida joylashtirilsa, u holda o'sha davlat hududi ham bizning yadro qurollarimiz nishoniga aylanadi”, – deya ta'kidladi Peskov.
