Rossiyalik milliarderlarning bir yil ichida olgan dividend daromadlari e'lon qilindi.
Modern.az xabar berishicha, “Forbes” tomonidan tuzilgan reytingda “Lukoyl”ning eng yirik aksiyadori, Ozarbayjonlik 76 yoshli ishbilarmon Vahid Alakbarov birinchi o‘rinni egalladi. Uning dividend daromadi 106,2 milliard rubl (1,25 milliard dollar) deb baholangan.
Ikkinchi o‘rinda “Novatek” va “Sibur”da ulushga ega bo‘lgan Leonid Mixelson 87,1 milliard rubl bilan joylashgan. Uchinchi o‘rinni Gennadiy Timchenko 75,1 milliard rubl bilan egallagan.
Kuchli 10 talikka kirgan ishbilarmonlarning dividend daromadlari:
Vahid Alakbarov – 106,2 milliard rubl
Leonid Mixelson – 87,1 milliard rubl
Gennadiy Timchenko – 75,1 milliard rubl
Igor Kesayev – 40,5 milliard rubl
Vladimir Lisin – 38,7 milliard rubl
Vladimir Potanin – 36,5 milliard rubl
Andrey Melnichenko – 34,8 milliard rubl
Aleksandr Abramov – 33,7 milliard rubl
Mixail Fridman – 31,9 milliard rubl
Filaret Galchev – 30,8 milliard rubl
Umuman olganda, “Forbes” reytingiga kiritilgan 75 kishi 1,194 trillion rubl dividend olgan. O‘tgan yili 50 nafar ishbilarmonning umumiy dividend daromadi 1,769 trillion rublni tashkil etgan edi.
“Rosstat” ma’lumotlariga ko‘ra, Rossiyada kompaniyalarning foydasi 2025-yilda 3,9% ga kamayib, 27,1 trillion rublga tushgan.
