Kollektiv Təhlükəsizlik Müqaviləsi Təşkilatına üzv ölkələr Dağlıq Qarabağla bağlı bəyanat veriblər.
Modern.az Rusiya KİV-nə istinadən xəbər verir ki, hərbi alyansa üzv ölkələr mayın 16-da Vyanada və iyunun 20-də Sankt-Peterburqda prezidentlər arasında əldə olunmuş razılıqları dəstəklədiklərini ifadə ediblər.
“Dağlıq Qarabağ münaqişəsinin yalnız sülh yolu ilə həllini dəstəkləməklə yanaşı, ATƏT-in Minsk qrupunun həmsədrlərinə tam dəstəyimizi ifadə edirik”.
Xatırladaq ki, Dağlıq Qarabağ ərazisində Azərbaycan və Ermənistan qoşunları arasında aprelin 2-dən 5-nə qədər qanlı döyüşlər gedib.
Vüqar İsmayılov
