“Münhendə baş verən atışma zamanı ölənlər arasında azərbaycanlıların olub-olmaması barədə məlumat yoxdur”.
Bu haqda Modern.az saytına Xarici İşlər Nazirliyinin (XİN) mətbuat xidmətinin rəhbəri Hikmət Hacıyev bildirib.
O qeyd edib ki, hazırda Azərbaycanın Almaniyadakı səfirliyi bu istiqamətdə araşdırmalara başlayıb:
“Araşdırmaların nəticələri barədə ictimaiyyətə məlumat veriləcək”.
İyulun 22-də baş verən hadisə zamanı 9 nəfər ölüb, 21 nəfər yaralanıb. Qətliamı törədənin milliyətcə iranlı, 18 yaşlı gənc olduğu bildirilir.
Gülşən RAUFQIZI
