Türkiyədə 15 iyul dövlət çevrilişinə cəhddə ittiham olunaraq həbs olunan hərbçilərin bir hissəsi bu gün azadlığa buraxılıb.
Modern.az-ın xəbərinə görə, bu barədə Türkiyə KİV-i məlumat yayıb.
Məlumata görə, bu gün İstanbul məhkəməsi Türkiyədə hərbi çevrilişə cəhddə iştirak etməkdə şübhəli bilinərək həbs olunan 758 hərbçinin azad olunması barədə qərar çıxarıb.
Məhkəmə azadlığa çıxma qərarını istintaqı aparan prokurorluq orqanlarının təqdimatına əsasən verib.
Xatırladaq ki, ümumilikdə həbs olunan hərbçilərdən 989 nəfəri istintaqa ifadə verib. Onlardan 231-i isə hələ də həbsdədir.
Ağa AKİFOĞLU
