Bakı-Şamaxı yolunda “VAZ" markalı minik avtomobilinin yolun kənarında qazılmış xəndəyə aşması nəticəsində 1 nəfər ölüb.
Fövqəladə Hallar Nazirliyindən Modern.az-a verilən məlumata görə, hadisə Qobustan rayonu ərazisində, Bakı-Şamaxı yolunun 100-cü kilometrliyində qeydə alınıb.
Dərhal Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq minik avtomobilində sıxılmış vəziyyətdə qalmış sürücünün cəsədini çıxararaq aidiyyəti üzrə təhvil vermişlər.
Əməliyyat saat 01:40-da başa çatmışdır.
Mirmahmud KAZIMOĞLU