Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində faktiki hava şəraitini açıqlayıb.
Departamentdən Modern.az-a verilən məlumata görə, sentyabrın 28-i gündüzdən 29-u səhərədək ölkə ərazisində qeyri-sabit hava şəraiti davam edib, şimşək çaxıb, yağış yağıb, bəzi yerlərdə leysan xarakterli intensiv olub.
Düşən yağıntının miqdarı Bakı və Abşeron yarımadasında 18-65, Böyük Qafqazda 3-4, Mərkəzi Aran rayonlarında 3-29, Lənkəran-Astara zonasında 11-39, Kiçik Qafqazda 7-18, Qazax-Gəncə zonasında 2-6, Naxçıvan MR-da 1-7 mm təşkil edib.
Qar örtüyünün hündürlüyü Şahdağda 1 sm olub.
Qeyd edək ki, Bakıya düşən 65 mm yağıntı aylıq normanın 381 faizi deməkdir. Bu isə aylıq normadan təxminən 5 dəfə çoxdur.
Modern.az
