Türkiyənin İstanbul şəhər polisi irimiqyaslı axtarış-yoxlama əməliyyatı keçirib. Modern.az saytı Türkiyə mediasına istinadən xəbər verir ki, əməliyyat eyni vaxtda şəhərin bütün ərazilərində keçirilib. Əməliyyatda 5 mindən çox polis iştirak edib. Onlara 12 polis vertolyotu da havadan dəstək verib.
Şəhərin mərkəzində, habelə giriş və çıxışlarında, əvvəlcədən müəyyənləşdirilmiş ayrı-ayrı ünvanlarda keçirilən əməliyyat zamanı 159 şübhəli şəxs üzərində və avtomobillərdə axtarışlar aparılıb. Əməliyyatda şəhər polisinin rəhbərliyi də iştirak edib.
Hələlik əməliyyat zamanı saxlanılanların olub-olmadığı barədə məlumat verilmir.
Modern.az
