Saatlıda ağır yol-nəqliyyat hadisəsi baş verib.
APA-nın Mil-Muğan bürosunun məlumatına görə, Saatlı rayonunun Dəllər kənd sakini, 1990-cı il təvəllüdlü Cəlilov Ramil Şamir oğlunun idarə etdiyi VAZ 2106 markalı avtomobil həmyerlisi, 1967-ci il təvəllüdlü Qurbanov Mürsəl Ələmdar oğlunun idarə etdiyi “Mercedes” markalı avtomobil toqquşub.
Nəticədə hər iki avtomobilin sürücüsü və VAZ 2106-nın sərnişini, 1989-cu il təvəllüdlü Mirzəzadə İlkin Lazım oğlu müxtəlif xəsarətlər alıb. Onlar Saatlı rayon xəstəxanasına yerləşdirilib. Ağır kəllə-beyin travması alan İ. Mirzəzadə komatoz vəziyyətdə Bakı şəhərinə xəstəxanalardan birinə yola salınıb.
Faktla bağlı Saatlı polis şöbəsində araşdırma aparılır.
Modern.az
