24 iyul 2017, Bazar ertəsi
Ana Səhifə - MÜSAHİBƏ - Dünya Azərbaycanlıları Assambleyasının rəhbəri: “Yeni addımlar atmağa hazırlaşırıq” - MÜSAHİBƏ  
Dünya Azərbaycanlıları Assambleyasının rəhbəri: “Yeni addımlar atmağa hazırlaşırıq” - MÜSAHİBƏ  
04.07.2017, 16:29

Almaniyada fəaliyyət göstərən Dünya Azərbaycanlıları Assambleyasının (DAA) prezidenti Rəşad Quliyev Modern.az-ın suallarını cavablandırıb. Onunla müsahibəni təqdim edirik:
 

- Bir müddət əvvələ qədər Dünya Azərbaycanlıları Assambleyası aktiv fəaliyyətdə idi. İndi aktivlik nəzərə çarpmır. Bunun səbəbləri nədir, təşkilatın hansısa problemləri var?

- Bildiyiniz kimi, Dünya Azərbaycanlıları Assambleyası 6 sentyabr 2016-cı ildə beynəlxalq qeyri-hökumət təşkilatı olaraq Almaniya məhkəmə və ədliyyə orqanlarında qeydiyyatdan keçib. Rəsmi qeydiyyatdan keçmədən öncə Dünya Azərbaycanlıları Assambleyası Təşəbbüs Qupu adı altında fəaliyyət göstərib. Bugünə qədər təşkilatımız nəzərəçarpacaq dərəcədə işlər görüb, hətta çox riskli proyektlərə imza atmışıq. Gördüyümüz işlər haqqında sizə məlumat verməyə başlasam müsahibəmiz çox uzun alınacaq, bu da oxuyucuları yora bilər. Bu üzdən fəaliyyətimizlə bağlı öyrənmək istəyənlər sadəcə internetdə “Dünya Azərbaycanlıları Assambleyası” yazmaqla geniş məlumat əldə bilərlər.

Assambleya bir ilə yaxın müddət ərzinə onlarla konfrans, dəyirmi masa, toplantı müxtəlif tədbirlər təşkil etdi. İlk vaxtlar xarici ölkə təmsilçilərimizin sayı 12 idisə,  hazırda 30-a yaxın ölkədə təmsilçimiz var. Bu yaxınlarda Gürcüstan, Şimali Kipr Türk Respublikası, Dubay, Cənubi Koreya, Kanada və bir çox ölkələr üzrə nümayəndəliklərimiz təsis olundu. Bir məsələni xüsusən qeyd etmək istəyirəm. Çox sevindirici haldır ki, bu prosesə yalnış kişilər liderlik etmir, eyni zamanda xanımlarımız çox fəaldırlar. Bu qədər fəal xanımlarımızın olduğunu təsəvvür belə etməzdim. Bu gün idarə heyətimizin, təmsilçilərimizin çoxluğunu qadınlar təşkil edir. Məncə qadınların çoxluq təşkil etdiyi nadir sayılacaq təşkilatlardanıq. Mənimlə çiyin-çiyinə , mərdliklə mübarizə aparan, bu şərəfli yolda addımlayan İsveçdən Aida Məmmədova, Danimarkadan Kəmalə Maisqızı, Nigar Mübarəki, Gülnarə xanım, Böyük Britaniyadan Sevil Aslanova və bir çox ölkələrdən fəal xanımlarımızın adını çəkmək istərdim. Biz bu işləri adlarını sadaladığım milli ruhlu xanımlarımızın dəstəyi ilə aparırıq. Bu insanlar həm sədaqətli, həm də dəyərlidir. Bir ara haqqımda qara piara start verilmişdi , o günlərdə mənə ən çox dəstək verən adını çəkdiyim bu xanımların ciddi mənəvi dəstəyi oldu və bu insanlar ən çətin durumumuzda dik durdular və heç bir zaman yollarından çəkilmədilər. Tarixdə varlığı ilə qürur duyduğumuz Xurşidbanu Natəvan, Sara xatun, Həcər qeyrətli bu xanımlarımız ələ-ələ verərək, ölkəmizin beynəlxalq aləmdə müsbət imicinin formalaşması üçün səylərini əsirgəmirlər.

Diqqətinizi sadəcə bir məsələyə yönəltmək istəyirəm.  Təşkilatımız qeydiyyatdan keçdikdən cəmi bir ay sonra “Dünya Azərbaycanlıları Əməkdaşlıq Forumu”nun keçirilməsinə qərar verdik. Yeni yaranan bir təşkilat üçün bu addımı atmaq çox ciddi risk idi. Bir çox ciddi təzyiq və maneələrə baxmayaraq, bu forumu uğurla başa vurduq. Dünyanın 20-yə yaxın ölkəsindən fəal təşkilatçı həmvətənlilərimiz təşrif buyurdu və çox maraqlı müzakirələr keçirildi. Bizim üçün tədbirin əsas əhəmiyyətli olan hissələrindən biri alman siyasi partiyalarının, Köln Mərkəz Şəhər bələdiyyə başqanın toplantıya qatılması idi.

- Bu forumun keçirilməsinə dəstək aldınızmı?

- Forumu heç bir rəsmi qurumun dəstəyini almadan təşkil etdik. Bu müstəqillik tariximizdə ilk belə bir hadisə idi. Heç bir rəsmi qurumun dəstəyi olmadan, bir neçə aylıq fəaliyyət göstərən bir təşkilatın belə bir böyük forumla bağlı qərar verməsi bir çox insanları yaxşı mənada təəccübləndirmişdi.

Diqqət etdinizsə, bu forumun baş tutmaması üçün bir çox ölkələrdə yaşayan ölkəmiz əleyhinə fəaliyyət göstərənlər fəallaşdılar. Digər tərəfdən, təəssüflə deməliyəm ki, foruma cəmi bir neçə gün qalmış axar.az, publika.az saytlarının antikampaniyasına məruz qaldıq. Hətta bu media orqanın təmsilçiləri Bakıdan qonaqlarımızın viza problemi yaşaması üçün Almaniya səfirliyinə belə, müraciət etmişdilər. İlk tədbirimiz olduğundan Almaniya Federativ Respublikasının Azərbaycan Respublikasındakı konsulluğu bəzi qonaqlarımıza viza vermədi. Ancaq təbii ki, biz bu prosesin izini buraxmadıq. Forumdan bir neçə ay keçməsinə baxmayaraq, bu məsələni Almaniya xarici işlər naziri, cənab Gabriel Sigmarın qarşısında qaldırdıq. Hazırda nazirliyin məmurları ilə yazışmalarımız davam edir,  haqqımızda qara piar kampaniyasını başladanları Mətbuat Şurasına şikayət etdik. Bu məsələyə Şurada baxıldı və nəhayət qarşı tərəfə xəbərdarlıq edildi. Ancaq bu qərar təbii ki, bizi qane etmədi. Biz tezliklə bu məsələni hüquq müstəvisinə qaldıracağıq.
Biz bu forumu keçirməklə hansı mesajı vermək istəyirdik? Dünyanın müxtəlif qitələrinə səlpələnmiş azərbaycanlılar olaraq müstəqil ölkəmizə, onun xarici siyasətinə dəstək verəcəyimizi bəyan edəcəkdik. Bu forumu ölkəmizə qarşı aksiya keçirən, təbliğat aparan keçmiş qondarma Talış Muğan Respublikası tərəfdarları, keçmiş “sadvalçılar” və bir çox radikal qruplar, ölkəmizin inkişafını güclənməsini istəməyən qüvvələr baltaladılar.
Bizi belə böhtanlar, kampaniyalar yolumuzdan döndərə bilməz. Biz bu yola çıxanda çox tufanların, burulğanların olacağını göz önünə almışdıq.

- Təşkilatın hazırkı fəaliyyət istiqamətləri nədən ibarətdir?

- Bu günlərdə biz BMT-nin Sosial və İqtisai Şurası tərəfindən və eyni zamanda, Avropa Komissiyası, Avropa Parliamenti tərəfindən lobbi qurumu olaraq qeydiyyata alındıq. Bununla da təşkilatımızın fəaliyyətinin ikinci fazası açılmış oldu. Bu da lobbiçilik fəaliyyətidir. 

Təşkilatımızın əsasını təcrübəli şəxslərlə yanaşı, gənclər təşkil edir. Hazırda gənclərimizin əsas vaxtı və məşğuliyyəti universitet imtahanlarına yönəldiyindən, eyni zamanda yay fəsli olduğundan fəallarımız istirahətdədirlər. Ancaq buna baxmayaraq, kənardan passivlik kimi görünsə də yeni addımlar, lahiyələr haqqında fəallarımızla müzakirələr gedir, tezliklə mətbuata da bununla bağlı məlumatlar veriləcək. Biz artıq yerli nümayəndələrimizlə qeydiyyatdan keçməyi düşünürük, bunun üçün sənədləşmə işlərinə strat vermişik. Bu il təşkilatımızın qeydiyyatdan keçməsinin bir ili tamam olur. Dünyanın 12 ölkəsini təmsil edən 13 nəfərlik idarə heyyətimizin canlı iclası keçiriləcək. Biz eyni gündə təşkilatımızın bir illiyini qeyd etməyi düşünürük. Tədbirin yeri, zamanı və bir sıra məlumatlarla bağlı detaylı məlumatı tezliklə diqqətinizə çatdıracağıq.

- Bəs Almaniyada təşkilatınızın fəaliyyətinə qarşı çıxan, sizə mane olanlar varmı?

- Almaniya Federativ Respublikası demokratik və hüquq dövlətidir. Bu ölkədə bizə kiminsə mane olması real deyil. Mane olmağa cəhd edənlər və buna təşəbbüs göstərmək istəyənlər təbii ki olacaq. Ancaq biz onlara qanun çərçivəsində cavab verəcəyik. Biz zor, fiziki güc tətbiqi ilə kiminləsə davranmağı rədd edirik. Ümid edirəm ki, kimsə buna cəhd etməz , biz də buna lüzum görmərik.

- Bu ölkədə yaşayan azərbaycanlılarla münasibətlər necədir? Onlar hansısa məsələlərdə sizə müraciət edirmi?

- Avropada həmvətənlilələrimizin yerləşmə coğrafiyasına nəzər yetirsək görərik ki, Almaniya həmvətənlilərimizin ən sıx məskunlaşdığı ölkədir. Bu məskunlaşmanın  tarixi Sovet dövrünə dayanır. Zamanında sovet ordusu tərkibində Şərqi Almaniyaya xidmət etməyə gələnlər arasında bir çox insanlar olmuşdur ki, bunlar dönməmiş və burada yaşamağa davam etmişdir. Qeyd edim ki, Almaniya digərlərinə nisbətdə xariciləri qəbul edən ölkələr arasında ilk yerdədir.

 

- Qeyd etdiyiniz kimi, 1 ilə yaxındır fəaliyyətdəsiniz. Bu günə qədər qarşıya qoyulan məqsədlərə çata bilmisinizmi?

- Təşkilatımızın amalları böyükdür. Biz böyük bir hədəf uğrunda ağır, məsuliyyətli, uzun və eyni zamanda şərəfli bir yola çıxmışıq. Bu hədəfə İranda yaşayan soydaşlarımızın dil və mədəni hüquqlarının bərpası, Gürcüstanda yaşayan soydaşlarımızın yaşadıqları ölkənin idarəçiliyində fəal yer almaları, onların pozulmuş hüquqlarının bərpası, eyni zamanda Dərbənddə yaşayan həmvətənlilərimiz də daxildir. İşğala məruz qalmış, ərazilərimizin beynəlxalq hüququn imkanları çərçivəsində bərpasında, başqa xalqlar və toplumlarla iç-içə çalışaraq qarşılıqlı fikir alış-verişi , mədəniyyətlərarası dialoqun təmin edilməsi və bir çox məsələlər bizim digər əsas hədəflərimizdir. Bu cür böyük hədəflər üçün bir illik bir zamanın  kifayət qədər olduğunu deməzdim. Bu iş üçün nə qədər çalışsaq o qədər azdır. O qədər problemlər mövcuddur ki, saymaqla bitməz. 

 

Gülşən RAUFQIZI


Şərh yaz

Bu kateqoriyadan olan xəbərlər
SON XƏBƏR
Builki qəbul imtahanları necə keçdi? - SORĞU   
24.07.2017, 08:36

Builki qəbul imtahanları necə keçdi? - SORĞU  

Dünyanın ən isti bölgəsi
24.07.2017, 08:29

Dünyanın ən isti bölgəsi

Şabranda müəllim qəza törətdi - 5 nəfər yaralandı
24.07.2017, 08:23

Şabranda müəllim qəza törətdi - 5 nəfər yaralandı

Manatın bugünkü MƏZƏNNƏSİ
24.07.2017, 08:21

Manatın bugünkü MƏZƏNNƏSİ

Yaponiyada 5,7 bal gücündə zəlzələ olub
24.07.2017, 01:01

Yaponiyada 5,7 bal gücündə zəlzələ olub

Suriyada partlayış: 12 ölü, 20 yaralı
24.07.2017, 00:45

Suriyada partlayış: 12 ölü, 20 yaralı

Ərdoğan  vəliəhdlə bağlı qapı arxasında görüşdü
24.07.2017, 00:26

Ərdoğan  vəliəhdlə bağlı qapı arxasında görüşdü

İordaniyada İsrail səfirliyinə hücum edən öldürüldü - Yenilənib
24.07.2017, 00:09

İordaniyada İsrail səfirliyinə hücum edən öldürüldü - Yenilənib

İran 5,4 ballıq zəlzələdən silkələndi
23.07.2017, 23:40

İran 5,4 ballıq zəlzələdən silkələndi

İŞİD-ə məxsus zavod məhv edildi
23.07.2017, 23:22

İŞİD-ə məxsus zavod məhv edildi

Şıxov çimərliyində əcnəbi turistin paltarını oğurladılar
23.07.2017, 23:01

Şıxov çimərliyində əcnəbi turistin paltarını oğurladılar

Erməni əsgər meyiti asılmış vəziyyətdə tapılıb
23.07.2017, 22:29

Erməni əsgər meyiti asılmış vəziyyətdə tapılıb

Şəmkirdə kütləvi zəhərlənmə
23.07.2017, 22:14

Şəmkirdə kütləvi zəhərlənmə

Ərəb Dövlətləri Liqası Qüdsə görə toplanır
23.07.2017, 21:58

Ərəb Dövlətləri Liqası Qüdsə görə toplanır

Bakıda naməlum avtomobil italiyalı qadını vurub qaçdı
23.07.2017, 21:39

Bakıda naməlum avtomobil italiyalı qadını vurub qaçdı

24 yaşlı gənc istirahət mərkəzində öldü
23.07.2017, 21:22

24 yaşlı gənc istirahət mərkəzində öldü

"Ermənilər hər gün Ağdamın işğal altında olan ərazilərinə od vurur" - İcra başçısı
23.07.2017, 21:08

"Ermənilər hər gün Ağdamın işğal altında olan ərazilərinə od vurur" - İcra başçısı

İran İraqla hərbi sahədə razılığa gəldi
23.07.2017, 20:53

İran İraqla hərbi sahədə razılığa gəldi

Tramp administrasiyası Rusiyaya qarşı sanksiyaları dəstəkləyir
23.07.2017, 20:42

Tramp administrasiyası Rusiyaya qarşı sanksiyaları dəstəkləyir

Rusiya hərbi gəmiləri Bakıda - VİDEO
23.07.2017, 20:24

Rusiya hərbi gəmiləri Bakıda - VİDEO

İranda qatar relsdən çıxdı
23.07.2017, 20:11

İranda qatar relsdən çıxdı

Bərdə sakini Kürdə batdı
23.07.2017, 19:41

Bərdə sakini Kürdə batdı

Ərdoğanın rektor təyin etdiyi professor öldü
23.07.2017, 17:55

Ərdoğanın rektor təyin etdiyi professor öldü

Batmış gəmidən 4 ton qızıl tapıldı 
23.07.2017, 17:32

Batmış gəmidən 4 ton qızıl tapıldı 

Texasda yük maşınında 8 miqrantın cəsədi aşkarlandı
23.07.2017, 17:04

Texasda yük maşınında 8 miqrantın cəsədi aşkarlandı

Türkiyə bəzi İŞİD-çilərin siyahısını Azərbaycanla birgə HAZIRLAYIB
23.07.2017, 17:00

Türkiyə bəzi İŞİD-çilərin siyahısını Azərbaycanla birgə HAZIRLAYIB

Deputat İlham Əliyevlə Putinin görüşünü şərh etdi 
23.07.2017, 16:44

Deputat İlham Əliyevlə Putinin görüşünü şərh etdi 

İnsanın iradəsi azaddırmı?
23.07.2017, 16:25

İnsanın iradəsi azaddırmı?

Dənizdə batan 2 nəfər xilas edilib
23.07.2017, 16:02

Dənizdə batan 2 nəfər xilas edilib

23.07.2017, 15:52

"Bir neçə hərbi əməliyyat barədə yaza bilmədim" - kitabı çıxan Rey Kərimoğlu 

Rusiya ABŞ-ı qorxuya salıb
23.07.2017, 15:32

Rusiya ABŞ-ı qorxuya salıb

Yetim Eyvaz vəfat etdi
23.07.2017, 15:27

Yetim Eyvaz vəfat etdi

SPİD xəstəsi olduğunu ərindən gizlətdi - Məsələ məhkəməyə qədər uzandı   
23.07.2017, 14:54

SPİD xəstəsi olduğunu ərindən gizlətdi - Məsələ məhkəməyə qədər uzandı  

Dövlət büdcəsindən oğurlanan pullar xarici bazarlara yatırılıb - Tağı Əhmədova daha bir İTTİHAM 
23.07.2017, 14:42

Dövlət büdcəsindən oğurlanan pullar xarici bazarlara yatırılıb - Tağı Əhmədova daha bir İTTİHAM 

I və IV qruplar üzrə keçirilən qəbul imtahanlarının düzgün cavabları AÇIQLANDI
23.07.2017, 14:12

I və IV qruplar üzrə keçirilən qəbul imtahanlarının düzgün cavabları AÇIQLANDI

ARXİV
SORĞU
Builki qəbul imtahanları necə keçdi?
- İmtahanların iki dəfə keçirilməsi müsbət haldır(0%)
- İmtahanlar bir dəfə keçirilməliydi(0%)
- İmtahanların pullu keçirilməsi mənfi haldır(0%)
- İmtahan testləri çətinləşdirilmişdi(0%)
- İmtahanlar asan keçdi(0%)
- Təşkilatçılıq yüksək səviyyədəydi(0%)
- Təşkilatçılıq aşağı səviyyədəydi(0%)