İspaniyanın Barselona şəhərində terror aktı törədilməsində şübhəli bilinən şəxs saxlanılıb. Modern.az "RİA Novosti"yə istinadən xəbər verir ki, 22 yaşlı mərakeşli Yunus Əbuyaqub Barselona əyalətinin San-Sadurni-d Anoyya şəhərində saxlanılıb.
Katalonya polisi hesab edir ki, həmin gün avtomobilin sükanı arxasında Yunus Əbuyaqub olub. O, hadisəni törətdikdən sonra piyada ərazini tərk edibvə gizlənib.
Qeyd edək ki, avqustun 17-də avtomobilin insanların üzərinə sürülməsi nəticəsində 15 nəfər ölüb, 130 nəfər xəsarət alıb. Terror aktına görə məsuliyyəti İŞİD öz üzərinə götürüb.
Modern.az