2017/2018-ci tədris ilində Azərbaycan məktəblərinin bir neçəsində təmayül siniflər təşkil ediləcək.
Təhsilin təmayüllər üzrə təşkil olunduğu məktəblərdə əsasən texniki, riyaziyyat iqtisadiyyat, humanitar və təbiət təmayüllü, habelə texniki və riyaziyyat-iqtisadiyyat, texniki və təbiət, riyaziyyat-iqtisadiyyat və humanitar təmayüllü siniflərin təşkili nəzərdə tutulub.
Bu barədə Təhsil Nazirliyindən Modern.az-ın sorğusuna cavab olaraq deyilib.
Həmçinin, ölkə üzrə təhsilin təmayüllər üzrə təşkil olunduğu məktəblərin və siniflərin ümumi sayı da bəllidir.
“2017-2018-ci dərs ilində ölkənin 900-dən çox ümumtəhsil məktəbində təmayül siniflərin təşkil olunması və buraya 30.000-ə yaxın şagirdin cəlb olunması gözlənilir. Daha dəqiq məlumatlar dərs ili başlandıqdan və hesabatlar qəbul edildikdən sonra məlum olacaq”.
