Almaniyanın paytaxtı Berlində keçirilən şahmat üzrə İddiaçılar turniri davam edir
Modern.az xəbər verir ki, bu gün yarışda X turun görüşləri keçirləcək.
X tur Azərbaycan təmsilçisi Şəhriyar Məmmədyarov üçün mühüm əhəmiyyət kəsb edir. Belə ki, şahmatçımız turnir cədvəlinin lideri olan ABŞ təmsilçisi Fabiano Karuana ilə qarşılaşacaq.
Bu görüşdə qələbə çalarsa, Şəhriyar turnir cədvəlində birinci yerə qalxacaq və belədə onun noyabrda Maqnus Karlsonla şahmat tacı uğrunda yarışmaq şansı bir az da artmış olacaq.
Xatırladaq ki, Şəhriyar Karuanayla bir neçə gün öncəki görüşü heç-heçəylə başa vurmuşdu.
Şəhriyar Məmmədyarov dünən IX turda qara fiqurlarla oynayaraq. ermənistanlı Levon Aronyan heç-heçə etmişdi. Bu gün isə şahmatçımız amerikalıya qarşı ağ fiqurlarla oynayacaq.
Turnir cədvəli: Karuana - 6 xal, Məmmədyarov - 5,5, Qrişuk - 5, Dinq Liren, Karyakin - 4,5, Kramnik, Aronyan, So - 3,5
İddiaçılar turnirinin ümumi mükafat fondu 420 min avrodur.
Qalib şahmatçı norveçli Maqnus Karlsenlə dünya çempionu titulu uğrunda görüşə çıxacaq.
